XX. mendeko Euskararen Corpus estatistikoa

Testuingurua

Ezten atzokoa

Ezten atzokoa
nere malkoa.

Bart nere gelan
sartu intzananean,
negarrez billa nindunan,
ire arpegi maiteak,
izu-ikara,
ildakoen itxura
artu ziñan.

Baña exeri adi.
Ezten atzokoa
nere malkoa.
Ik eztakin, maitea,
zein leize sakona
dan nere gogoa!

Ez zaidan galdetu.
Ailperrik uke.
Eztin iñork galdetzen
zenbat ur-tanta
ditun itxasoak
Ailperrik den
izarrak zenbat diran
kontatzen astea.
Beti zegon zeru beltzean,
arutzago,
beste bat gordea.